FOTO Mickey Hoyle SARIE KOS DES 13/JAN 14

Gebak

Cheddarkaas-en-biltong-broodjies

Die resep is verspot maklik, en die broodjies is heerlik as dit warm voorgesit word.

8 brode

• 1 kg winkelbrooddeeg
• 16 groot skywe beesbiltong
• 150 g sterk cheddarkaas, gerasper

Verhit oond tot 180 °C. Verdeel brooddeeg in 8 stukke. Maak ’n bal van elke stuk deeg. Druk elke bal plat tot so 3 cm dik. Plaas op bakplate wat goed gespuit is met kleefwerende kossproei. Pak 2 stukke biltong op elke plat deegbal. Sprinkel kaas bo-op biltong en laat deegballe sowat 15 minute rys voor jy dit in die oond plaas. Bak 30 – 35 minute tot gaar. Sit broodjies warm voor met botter.