FOTO: Micky Hoyle

FOTO: Micky Hoyle

Gebak

Engelse-roos-appeltertjies

Dié mooi tertjies laat my aan die roos op die Engelse rugbytruie dink.

GENOEG VIR 6

1. 6 rooi appels

2. 100 g (110 ml) sagte botter

3. 100 g amandelvlokkies

4. 100 g (190 ml) versiersuiker

5. 1 x 400 g-vel blaardeeg

Sout

Maak tertjies só

Verhit oond tot 180 °C. Halveer 6 rooi appels en sny pitte uit. Sny appels in baie dun skywe.

lancewood001

Plaas appels in groot mengbak en voeg bietjie sout by. Maak bak stewig toe met kleefplastiek en plaas vir 3 minute in mikrogolfoond. Haal uit en meng versigtig. Maak weer toe met kleefplastiek en plaas vir nog 3 minute in mikrogolf.

lancewood002

Haal kleefplastiek af en laat effens afkoel. Pak appels op kombuispapier om droog te word en af te koel.

lancewood005

Plaas 100 g botter, 100 g amandels en 100 g versiersuiker in voedselverwerker
en verpulp.

lancewood006

Sprinkel bietjie meel op werkvlak en plaas 1 x 400 g-vel blaardeeg bo-op. Rol deeg dunner uit in die breedte.

lancewood026

Sny deeg in breedte in 6 stroke. Smeer van die amandelpasta aan die een kant van elke strook.

lancewood028

Pak appels met skilkant na bo op amandelpasta.

lancewood029

Rol elke strook versigtig op.

lancewood031

Spuit ’n muffinpannetjie met 6 groot holtes met kleefwerende kossproei en plaas ’n tertjie in elke holte. Bak 30 – 35 minute. Haal uit oond en laat paar minute afkoel voor jy dit uit pan haal. Sif bietjie versiersuiker oor.

lancewood032