Foto deur Micky Hoyle
SARIE KOS AUGUSTUS/SEPTEMBER 2014

Foto deur Micky Hoyle SARIE KOS AUGUSTUS/SEPTEMBER 2014

Gebak

Oondgebakte murgbene

Dié gereg het ek een Sondag geëet saam met pot-au-feu – Franse beesvleisbredie. Beesskenkels word gebruik en die murgbeen word uitgesny en later saam met die bredie gekook. Die murgbene is so lekker dat jy dit ooknet so in die oond kan bak en dan met ’n
pietersielieslaai voorsit.

Genoeg vir 4 – 6
• 18 beesmurgbene
• 30 g platblaar-pietersielie, fyngekap
• 100 g kappertjiesade, fyngekap
• ½ ui, baie fyn gekap
• sap van 1 suurlemoen
• 10 ml olyfolie
• suurdeegbrood

Verhit oond tot 200 °C. Plaas murgbene op ’n bakplaat en bak sowat 15 minute
in warm oond. Die murg moet aan die binnekant van die bene wegtrek. Maak
intussen die slaai. Meng pietersielie, kappertjiesade en ui in ’n mengbak. Voeg
suurlemoensap en olie by. Meng goed deur. Sit warm murgbene voor saam met
pietersielieslaai en snye geroosterde suurdeegbrood.