FOTO Michael le Grange

FOTO Michael le Grange

#SARIESondag

Rog-blikbroodjies met botter

Die brood word van helfte rogmeel en helfte broodmeel gemaak.

genoeg vir 6 – 8

•  375 ml water
•  1 x 10 g-sakkie kitsgis
•  10 ml melasse
•  10 ml sout
•  10 ml karwysaad
•  225 g (400 ml) donker rogmeel
•  225 g (400 ml) broodmeel botter vir voorsit

Plaas water, gis, melasse en sout in die bak van ’n elektriese menger. Meng met die K-spaan by matige spoed tot goed gemeng. Voeg karwysaad, rogmeel en broodmeel by. Verhoog spoed en meng 10 – 12 minute of tot mengsel in ’n bal in die middel van die bak saamkom. Plaas in skoon mengbak wat met olie gesmeer is. Bedek met kleefplastiek en laat rys op warm plek tot dubbel die volume.

Keer deeg uit en verdeel in 8 porsies. Rol porsies in ronde balle. Spuit 8 blikkies van jou keuse met kleefwerende kossproei en plaas ’n deegbal in elke blikkie. Sif ekstra rogmeel oor brood. Laat rys blikkies deeg tot dubbel die volume op ’n warm plek. Verhit oond tot 220 °C. Bak broodjies 15 – 20 minute of tot goudbruin en gaar. Sit voor met botter wat soos ’n vissie lyk. Kyk uit vir so ’n outydse visvorm by oudhedewinkels.