sk0409pasteie04
Gebak

Spinasie-en-fetakaas-pasteie

(6 pasteie)

  • 30 ml olyfolie
  • 1 ui, fyngekap
  • 2 knoffelhuisies, fyngekap
  • 600 g vars spinasie
  • 400 g fetakaas, gekrummel
  • sout en varsgemaalde swartpeper na smaak
  • 1 eier
  • 2 velle blaardeeg (400 g elk)
  • 1 eier, geklits

Verhit oond tot 200 °C. Verhit olyfolie in ’n pan en voeg ui en knoffel by. Braai tot sag en deurskynend. Voeg spinasie by en braai tot sag. Kap spinasie fyn in voedselverwerker. Laat afkoel en voeg fetakaas by. Geur met sout en swartpeper. Voeg eier by en meng goed. Sny groot sirkels uit die deeg en skep van die afgekoelde vulsel aan die een kant van elke sirkel. Vou die deeg toe in halfmane en draai die punte toe. Smeer met geklitste eier en bak vir 30 – 35 minute tot bros en gaar.

Om te drink
Onthou, as die fetakaas wat jy gebruik baie sout bevat, sal dit die wyn soeter laat smaak. ’n Vrugtige chenin blanc sal lekker wees.