Foto's deur Donna Lewis
6 uur tuis, eet half 7

Vinnige herderspastei

(4 porsies)

  • 45 ml olyfolie
  • 1 ui, fyngekap
  • 2 knoffelhuisies, gekap
  • 500 g maalvleis
  • 1 x 410 g-blik tamaties
  • 45 ml origanum, gekap
  • 45 ml pietersielie, gekap
  • 250 g bevrore gemengde groente
  • sout en varsgemaalde swartpeper
  • 4 aartappels, gekook tot sag en fyngedruk
  • 1 eier, geklits

Verhit oond tot 200 ˚C. Verhit olyfolie in ‘n mediumgroot pot. Plaas ui en knoffel in pot en braai stadig vir sowat 5 minute tot ui begin verkleur. Voeg maalvleis by en roerbraai vir 8 – 10 minute. Voeg tamaties en kruie by en verlaag hitte. Laat stadig prut vir 10 minute. Voeg gemengde groente by en geur goed met sout en swartpeper. Verdeel mengsel tussen 4 oondvaste bakkies of een groot bak. Skep fyn aartappels bo-op en verf met geklitste eier. Bak vir 5 – 10 minute of tot goudbruin. Sit warm voor.

  • joan westraadt

    Baie lekker resep, maar ek laat altyd die tamaties uit, want vir ‘n maagseer is die tamaties net te veel en veroorsaak dit sooibrand.

  • Nelene Truter

    Lyk baie lekker, sal dit moet probeer

  • nellie

    lekker

  • nellie

    Baie lekker

  • ANNELEEN

    Kan ons nie asb mikrogolfresepte kry nie? Ons MOET elektrisiteit spaar!!