Gebak

Witsjokolade-moussekoek

(genoeg vir 8)

Kantpatroon

  • 1 eierwit
  • 45 ml kakao
  • 45 ml botter, gesmelt
  • 45 ml koekmeel

Koek

  • 5 eiers, geskei
  • 210 g (250 ml) strooisuiker
  • 210 g (375 ml) koekmeel

Mousse

  • 6 velle gelatien
  • 100 ml yswater
  • 200 g witsjokolade, fyngekap
  • 100 ml melk
  • 250 ml room

Meng al die bestanddele vir die kantpatroon saam tot ’n gladde mengsel. Smeer dun lagie van die mengsel oor ’n silikoon-patroon- matjie wat goed met kleef-werende kossproei gespuit is. Plaas op bakplaat.

Koek

Verhit oond tot 180 °C. Plaas eiergele en ⅓ van die strooisuiker in ’n middelslag-mengbak. Klits met elektriese klitser op hoë spoed tot dik en skuimerige mengsel. Klits eier witte in aparte bak tot sagte punte vorm. Klits dan res van strooisuiker geleidelik by. Hou aan klits tot blink en styf. Vou versigtig by eiergeel- mengsel met ’n groot metaallepel. Sif meel by en vou versigtig deur. Gooi mengsel op bakplaat met silikoon- matjie en versprei eweredig. Bak vir 10 – 12 minute en keer uit.

Sny in 2 stroke wat onderin ’n broodpan van 10 x 30 cm pas.

Mousse

Voer broodpan met kleefplastiek uit en plaas een stuk koek met patroon na onder in pan. Week gelatien in yswater tot sag. Smelt sjokolade en melk saam oor pot met kookwater. Druk water uit gelatien- velle en voeg gelatien by sjokolade. Roer oor kookwater tot gladde mengsel. Vou room versigtig in en gooi in broodpan. Plaas tweede stuk koek bo-op met patroon na bo. Sit in yskas vir 3 – 4 uur om te stol. Keer versigtig uit en haal kleefplastiek af. Sit voor.

 OM TE DRINK

Orange River Straw Wine 2010 (R92)