FOTO Donna Lewis

FOTO Donna Lewis

Bykos

Gemarineerde soetrissie en sampioene

Jy kan dit tot 2 weke in die yskas hou.

genoeg vir 8

• 2 soetrissies
• 60 ml olyfolie plus ekstra vir rooster
• 55 g (60 ml) botter
• 800 g gemengde sampioene
• 4 knoffelhuisies, gekap
• sout en varsgemaalde swartpeper
• 60 ml sjerrie-asyn
• 250 ml olyfolie
• 30 ml korrelmosterd
• hand vol pietersielie, gekap

Verhit oond se rooster-element tot rooiwarm. Smeer soetrissies met bietjie ekstra olyfolie. Plaas op bakplaat onder rooster- element. Rooster 5 – 10 minute of tot soetrissies se skil swart word. Plaas dadelik in skoon bak en maak toe met kleefplastiek. Laat sweet 10 minute. Halveer soetrissies en krap sade uit. Krap swart skil af met skerp mes. Sny rissies in dun repies. Verhit 60 ml olyfolie en botter tot warm in groot pot. Voeg sampioene en knoffel by. Roerbraai 8 – 10 minute of tot sampioene halfgaar is. Geur met sout en peper. Meng res van bestanddele om marinade te maak. Plaas sampioene en soetrissies in glasbak en gooi marinade oor. Laat marineer 4 – 6 uur in yskas. Sit koud voor.