Screen Shot 2016-05-16 at 6.48.35 AM
Nagereg

Gemmer-en-peer-stoompoeding

Die geur van winter in my grootwordhuis – as ek gemmer geruik het, het ek geweet die winter is hier!

genoeg vir 4

• 2 groot pere, ontklok en in blokkies gesny
• 2 cm-stuk gemmer, geskil en grofgesny
• 60 ml gouestroop
• 175 g (190 ml) sagte botter
175 g (220 ml) ligte bruinsuiker
• 3 eiers, geklits
• 175 g (310 ml) bruismeel
• 5 ml bakpoeier
• 10 ml fyn gemmer
• 100 ml melk

Spuit ringkoekpan (bundt), met volume van 2 liter goed, met kleefwerende kossproei. Plaas peer, gemmer en stroop in braaipan. Braai vir 3-5 minute of tot sag. Room botter en suiker saam met elektriese klitser. Voeg eiers een vir een by.

Voeg res van bestanddele by en meng. Skep gestoomde pere onderin pan en gooi beslag bo-oor. Maak pan toe met aluminiumfoelie en plaas in pot met kookwater. Bedek pot met deksel en laat stoom vir 90 minute of tot ’n sponsagtige voorkoms. Keer uit op ’n opdienbord en sit voor met tuisgemaakte vla en roomys.