FOTO: Donna Lewis

Glutenvry

Japie se gunsteling, met ’n sjokoladekinkel

Die bekende S.J.A. de Villiers, skrywer van Kook en Geniet (Human & Rousseau), het ’n klomp poedings getoets en haar man, Japie, moes alles proe. Dié lemoenpoeding was sy gunsteling. Ons maak ons s’n effens anders met ’n titsel sjokolade.

Genoeg vir 6

  • 125 ml room
  • 1 x 100 g-plak 70%-sjokolade, fyngekap
  • 80 ml gladde grondboontjiebotter
  • 3 groot eiers, geskei
  • 375 ml strooisuiker
  • 60 g (120 ml) glutenvrye meel
  • 375 ml melk
  • 310 ml lemoensap
  • 30 ml suurlemoensap
  • skil van 1 lemoen
  • 25 g (45 ml) botter, gesmelt

Verhit oond tot 180 °C. Bring room tot kookpunt en voeg sjokolade en grondboontjiebotter by. Roer tot glad. Verdeel mengsel tussen 12 oondvaste koppies met volume van 250 ml elk. Klits eiergele, strooisuiker, meel, melk, lemoenen suurlemoensap, lemoenskil en botter saam. Klits eierwitte tot sagte punte vorm en vou by melkmengsel in. Verdeel bo-op sjokolademengsel tussen die 12 koppies en plaas op diep oondpan. Vul met kookwater tot halfpad teen die koppies op. Bak 25 – 30 minute of tot goudbruin en gepof. Sit warm voor. Wenk Die beslag lyk baie loperig, maar dis reg so – die resep het die toets van tyd oorleef!