Foto deur Micky Hoyle

Foto deur Micky Hoyle

Diabeties

Ongebakte sjokoladekoekies

Resep deur Annerien Vermeulen

Maak hierdie koekies in ’n japtrap om ’n hunkering na ’n soetigheid gou-gou te versadig. Kinders is gewoonlik mal hieroor. Bêre in ’n lugdigte houer in die yskas.
(24 blokkies)

  • 60 ml laevet-margarien
  • 125 ml vetvrye melk
  • 125 ml suikervrye grondboontjiebotter
  • 320 ml suikerplaasvervanger (verkieslik fruktose)
  • 5 ml vanieljegeursel
  • 125 ml kakaopoeier
  • 500 ml hawermoutvlokkies
  • 500 ml medium-gerasperde klapper

Voer ’n 1,25 liter-nageregbak uit met kleefplastiek en spuit met kleefwerende kossproei. Smelt die margarien in ’n pot en meng met die melk, grond-boontjiebotter, suikerplaasvervanger en vanielje. Voeg kakao by en klits goed tot daar geen klonte meer is nie. Voeg die hawermout en klapper by en meng goed. Skep mengsel in voorbereide bak en plaas in yskas tot gestol. Sny in blokkies en sit voor.

Ongebakte sjokoladekoekies analise – (24 blokkies – 1 blokkie = 1 porsies – 40 g)
Energie – 390 kj
Koolhidrate – 11 g
Proteien – 6 g
Vet – 2,5 g
Vesadigde vet – 0,7 g
Mono-onversadigde vet – 1 g
Poli-oversadigde vet – 0,6 g
Cholesterol – 68 mg
Glukemiese lading (GL) – 6,6