Blou-5341
Nagereg

Trifle met meringue, bessies en panna cotta

My ma sê jy mag nie nagereg eet as jy nie jou groente eet nie, maar vrugte is mos ook groente?

genoeg vir 8

• 500 ml room
• 70 g (80 ml) suiker
• 5 ml vanieljegeursel
• 15 ml gelatien
• 50 ml water
• 175 g frambose en bloubessies
• 250 g meringues van jou keuse
• 1 x 280 g-madeirakoek, in skywe gesny
• 100 ml sjerrie
• 175 g aarbeie
• 500 ml winkelvla
• 1 liter bessieroomys

Bring room, suiker en vanielje tot kookpunt oor matige hitte en laat prut 2 minute. Sprinkel gelatien oor water en laat week so 2 minute. Verwyder roommengsel van hitte en roer geweekte gelatien by warm mengsel tot gesmelt. Gooi mengsel onderin 2 literglasbak. Laat stol 3 uur in yskas. Sprinkel bessies op gestolde panna cotta. Krummel helfte van meringues bo-oor. Pak laag koek en sprinkel helfte van sjerrie oor. Pak aarbeie boop en gooi vla oor. Pak nog een laag koek bo-op en sprinkel res van sjerrie oor. Plaas in yskas vir minstens 1 uur, of tot jy dit voorsit. Skep balle roomys bo-op saam met res van meringues.