Foto deur Donna Lewis
SARIE KOS OKT/NOV 2013

Foto deur Donna Lewis SARIE KOS OKT/NOV 2013

Ontbyt

Muesli-basisresep

Gebruik die koringvrye basiese muesli-resep as vinnige ontbyt met jogurt of in al die resepte wat volg. Jy kan die muesli natuurlik by die supermark koop – maak net seker dis ook koringvry.
Genoeg vir 1 kg

• 250 g (500 ml) hawermout
• 60 g (250 ml) growwe klapper 
• 120 g (250 ml) pampoensaad
• 110 g (250 ml) sonneblomsaad
• 230 g (350 ml) gemengde neute
• 5 ml fyn kaneel
• 200 ml heuning
• sap en skil van 1 lemoen
• 200 g (335 ml) bosbessies (cranberries)
• 200 g Turkse appelkose, gekap
• 100 g gemengde droëvrugte

Verhit oond tot 180 ºC. Meng hawermout, klapper, sade en neute en plaas op bakplaat in eweredige laag. Sprinkel kaneel oor. Plaas heuning, lemoensap en -skil in middelslag-pot en bring tot kookpunt. Kook 5 minute. Gooi oor hawermoutmengsel en meng goed deur met houtlepel. Versprei weer eweredig en plaas in oond. Oondbraai 20 – 25 minute of tot mengsel goudbruin verkleur. Roer elke 5 minute deur en versprei weer eweredig op bakplaat. Verwyder uit oond, voeg vrugte by en meng deur. Laat afkoel en bêre in lugdigte houer.