Foto deur Micky Hoyle SARIE KOS OKT/NOV 2012

Pluimvee

Eendborsies met port- rooiwyn-en-kersiesous

Wonderlik vir ʼn ete waarmee jy nou regtig jou gaste wil beïndruk.

6 porsies

  • 300 ml rooiwyn
  • 300 ml port
  • 2 blikke (425 g elk) ontpitte kersies, gedreineer
  • 6 ontbeende eendborsies
  • 15 ml growwe sout
  • 10 ml fyn kaneel
  • 30 ml bruinsuiker
  • sout en varsgemaalde swartpeper na smaak
  • 75 ml rooiwyn
  • 15 ml mielieblom
  • vars kersies vir garnering

Gooi rooiwyn, port en kersies in ’n kastrol. Bring tot kookpunt en prut vir minstens 1 uur. Verhit oond tot 180 °C. Maak klein snytjies net deur vel van eendborsies. Verhit ’n pan en braai borsies, velkant na onder, tot vel mooi bruin is. Haal uit en plaas in ’n oondbak. Meng growwe sout, kaneel en bruinsuiker en smeer oor borsies. Geur met sout en swartpeper. Gooi 75 ml rooiwyn saam met borsies in bak. Rooster vir 35 minute. Haal uit en hou warm. Gooi al die sous wat in bak agtergebly het by die kersiesous. Meng mielieblom met ’n bietjie water tot ’n gladde pasta. Voeg by kersiesous en geur met sout en swartpeper. Laat sous prut vir 30 minute. Sny borsies in skywe en gooi sous oor. Versier met vars kersies. Sit voor saam met rankbone.

Om te drink
Swartland se merlot − dis propvol kersiegeure.