Foto's deur Micky Hoyle

Pluimvee

Geroosterde hoender met vars basiliekruid, suurlemoen en knoffel

Party mense is allergies vir brood, so hier is ’n vulsel wat geen brood bevat nie.

  • 125 g sagte botter
  • gerasperde skil van 1 suurlemoen
  • hand vol vars basiliekruid, gekap
  • 1 knoffelhuisie, fyngekap
  • sout en varsgemaalde swartpeper na smaak
  • sap van 1 suurlemoen

Meng botter, suurlemoenskil, basiliekruid en knoffel saam. Geur met sout en peper. Maak die vel op die borskas van die hoender los deur saggies met jou vingers van die agterkant te werk (nie die nek se kant), soos ’n sakkie wat jy oopdruk. Werk maar versigtig, die vel moenie skeur nie. Druk die vulsel bietjie vir bietjie in en vou dan die vel by die opening toe. Bind die hoender se bene vas met tou. Plaas in oondroosterbak en gooi suurlemoensap oor. Geur met sout en peper.

Só rooster jy die hoender
Verhit oond tot 180 °C. Gooi sowat 100 ml olyfolie oor al drie hoenders en maak bak toe met tinfoelie. Sit in oond en haal tinfoelie ná 45 minute af. Rooster oop vir nog 1 uur tot gaar en mooi bruin. Laat hoenders afkoel tot kamertemperatuur en sit voor.