Gevulde hoenderborsies

Gevulde hoenderborsies

Kosstories

Gevulde hoenderborsies

Vir die voorgereg geniet  ons gevulde hoenderborsies

Vulsel

• 160 g spinasie, geblansjeer en fyngekap
• 20 g songedroogde tamaties, fyngekap
• 4 wiele fetakaas, gekrummel
• 1 eiergeel
• 100 ml room
• sout en varsgemaalde swartpeper

• 4 hoenderborsies, ontbeen en vel verwyder
• 30 ml Cajun-speserye
• 60 ml koekmeel
• 3 eiers, geklits
• gedroogde broodkrummels
• olie vir diepbraai

Meng bestanddele vir vulsel saam in ’n mengbak en geur goed met sout en peper. Plaas hoenderborsies tussen twee velle kleefplastiek. Kap borsies plat met vleishamer. Geur met Cajun-speserye.

Verdeel vulsel tussen die 4 borsies. Rol met kleefplastiek op in ’n stywe wors en plaas in yskas vir minstens 1 uur. Verhit oond tot 180 °C. Verwyder kleefplastiek. Bedek borsies met koekmeel en skud oortollige meel af. Doop in eier. Bedek met krummels. Verhit ’n groot kastrol met kookolie en braai borsies tot goudbruin. Plaas op bakplaat en sit vir sowat 15 minute in oond.

Gevulde hoenderborsies

Gevulde hoenderborsies