Foto deur Mickey Hoyle
SARIE KOS DES 13/JAN 14

Foto deur Mickey Hoyle SARIE KOS DES 13/JAN 14

Pluimvee

Pynappel-hoender

My ma het hierdie hoender baiekeer op ’n Saterdagaand vir ons gemaak. Ek was mal oor die kombinasie van soet en sout. Hier is my weergawe van haar gereg.
Genoeg vir 4

• 45 ml olyfolie
• 8 stukke hoender (4 dye en 4 boudjies)
• sap van 1 suurlemoen
• 1 ui, fyngekap
• 1 knoffelhuisie, fyngekap
• 1 groen soetrissie, in blokke gesny
• sout en varsgemaalde swartpeper
• 20 ml sojasous
• 1 x 440 g-blik pynappelstukke,
gedreineer, maar behou sap

Stap 1. Verhit oond tot 180 °C. Verhit olyfolie in plat kastrol op stoofplaat. Voeg hoender by en braai tot bruin.

Mickey Hoyle

Stap 1

 

 

 

 

 

 

 

 

Stap 2. Voeg suurlemoensap, ui, knoffel en rissie by. Geur met sout en peper. Braai verder tot ui sag en deurskynend is.

Mickey Hoyle

Stap 2

 

 

 

 

 

 

 

 

Stap 3. Voeg sojasous en pynappelstukke by. Laat sowat 5 minute braai.

Mickey Hoyle

Stap 3

 

 

 

 

 

 

 

 

Stap 4. Voeg gedreineerde pynappelsap by. Maak kastrol toe met ’n deksel en plaas in oond. Oondbraai sowat 1 uur. Sit voor met basmati-rys.

 

Mickey Hoyle

Stap 4