sarie013
Kosstories

Barbara praat met – Samoesa-kenner van Kaapstad

Die Indiërs sê dis hulle s’n en ander sê dit kom uit Asië, maar vir ons smaak ’n heerlik branderige samoesa of dit net hier uitgedink is. Ek maak die driehoekige happie met ’n paar gewone en ongewone vulsels…

Hoender-samoesas

My basiese hoenderkerrieresep, effens aangepas, werk hier baie goed as vulsel. Vulsel genoeg vir sowat 25 – 40

sarie018

  • sowat 30 ml sonneblomolie
  • 680 g ontbeende hoenderdye, in blokke gesny
  • 1 ui, fyngekap
  • 2 knoffelhuisies, fyngekap
  • 10 ml fyn komyn
  • 10 ml fyn koljander
  • 1,25 ml fyn kaneel
  • 1,25 ml fyn gemmer
  • 5 ml borrie
  • 15 ml garam masala
  • 2 tamaties, in blokkies gesny
  • sout en varsgemaalde swartpeper
  • 250 ml kookwater
  • 5 – 10 ml groen brandrissie, fyngekap
  • 30 ml suurlemoensap
  • hand vol vars koljander, fyngekap
  • 1 pak samoesa-deeg

Verhit olie in ’n kastrol. Voeg hoender by en braai sowat 5 minute. Voeg ui en knoffel by. Braai tot ui sag en deurskynend is. Voeg komyn, koljander, kaneel, gemmer, borrie en masala by. Braai sowat 5 minute. Voeg tamaties by en geur met sout en peper. Gooi water by en maak kastrol toe met deksel. Laat prut ½ uur. Haal deksel af en voeg brandrissie, suurlemoensap en koljander by. Laat prut oop vir nog ’n ½ uur. Die meeste van die sous moet weggekook wees. Laat heeltemal koud word voor jy jou samoesas vou en diepbraai.

Kry jou SARIE KOS Oktober/November 2013 nóú op die rak! Blaai deur die nuwe uitgawe híér