Pasta

Griekse pastaslaai

(6 porsies)

  • 150 g klein penne-pasta
  • halwe Engelse komkommer
  • 200 g klein rosa-tamaties
  • 100 g swart olywe, ontpit
  • 200 g fetakaas, in blokke gesny
  • sowat 12 vars basiliekruidblare, grofgekap
  • sout en varsgemaalde swartpeper na smaak

Slaaisous

  • 250 ml mayonnaise
  • 30 ml crème fraîche
  • 1 knoffelhuisie, fyngedruk
  • sout en varsgemaalde swartpeper na smaak

Kook die pasta volgens die aanwysings op die pak. Dreineer en spoel af in ’n vergiettes. Laat die pasta heeltemal afkoel in die vergiettes. Wanneer dit afgekoel is, sal dit aan mekaar vassit. Spoel die pasta weer af met louwarm water sodat dit los kom. Gooi in ’n groot mengbak. Meng die slaaisous-bestanddele en roer deur die pasta. Sny die halwe komkommer lengtegewys in die helfte. Skraap die pitte uit en sny die komkommer in blokkies. Meng die komkommer, tamaties, olywe, fetakaas en basiliekruidblare. Geur met sout en swartpeper. Skep die pasta in houers en skep die tamatie-mengsel bo-op.