Foto deur Donna Lewis SARIE KOS OKT/NOV 2012

Diabeties

Roketslaai met aarbeie en bokmelkkaas

Resep deur Annerien Vermeulen

Die slaai lyk so mooi dat jy dit as hoofgereg kan voorsit, met bv. geroosterde botterskorsie of miskien gerookte hoender.

Genoeg vir 8 – 10 mense

  • 1 – 2 komkommers, in skywe gesny
  • 200 g roketblare
  • 300 g gemengde slaaiblare
  • 250 g aarbeie, gehalveer
  • 50 ml pampoenpitte, gerooster
  • 50 ml gekapte pietersielie
  • 100 g laevet-bokmelkkaas, in stukke gebreek (soos Chevin)
  • olyfolie na smaak
  • balsemasyn na smaak
  • sout en varsgemaalde swartpeper
  • mikrokruie vir garnering
  • gekonsentreerde balsemasyn vir garnering

Meng die komkommer, slaaiblare, aarbeie, pampoenpitte en pietersielie en skep in ’n mooi bak. Breek kaas bo-oor en geur met die olyfolie, asyn en sout en peper na smaak. Garneer met vars mikrokruie en gekonsentreerde balsemasyn.