FOTO Willem Lourens

FOTO Willem Lourens

Gebak

Smullekker sjokolade-brownies

Bak hierdie heerlike brownies vir Jeugdag! Die heel sjokoladestukke, neute en bros bolaag sorg dat hierdie brownies nog lekkerder is as gewoonlik.

genoeg vir 9 groot brownies

Verhit oond tot 180 °C. Voer ’n vierkantige koekpan van 23 x 23 cm uit met bakpapier en spuit die kante liggies met kleefwerende kossproei. Plaas 250 g (275 ml) gesmelte botter, 400 g (500 ml) ligte bruinsuiker en 4 eiers in ’n groot mengbak. Klits goed saam met ’n houtlepel.

Voeg140 g (250 ml) gesifte koekmeel, 50 g (125 ml) gesifte kakao, 10 ml bakpoeier, 150 g grofgekapte melk-sjokoladeblokkies, 150 g grofgekapte heelneut-sjokoladeblokkies en 200 g grofgekapte pekanneute by. Meng goed met houtlepel. Skep uit in voorbereide koekpan. Plaas in oond en bak 40 minute. Verwyder uit oond en laat heeltemal afkoel op draadrakkie. Sny eweredig op in blokkies.

Kry nóg lekker winter treffers in jou nuutste SARIE Kos nóú beskikbaar landswyd by jou naaste supermark.  

SARIE Kos Junie-Julie 2016

SARIE Kos Junie-Julie 2016