Foto's deur Micky Hoyle

Foto's deur Micky Hoyle

Resepte

Artisjokke met knoffel-suurlemoenbotter

Dis nou die seisoen vir artisjokke. Dié wonderlike vars bestanddeel werk veral goed as voorgereg. En dis een van die maklikste geregte om te maak.
Genoeg vir 6

  • 6 groot artisjokke

Sny die steel van die artisjokke af. Bring ’n kastrol met baie water en so 5 ml sout tot kookpunt. Plaas artisjokke in kookwater. Hoe lank jy die artisjokke kook, gaan afhang van hoe groot hulle is. As jou artisjokke so groot soos ’n krieketbal is, sal dit sowat 10 minute duur. Toets deur ’n pennetjie in te druk waar jy die steel afgesny het. As dit sag is, kan jy die artisjokke uit die water haal en dadelik saam met die knoffel-suurlemoenbotter voorsit.

Knoffel-suurlemoenbotter

  • 200 g (220 ml) botter
  • 4 knoffelhuisies, fyngekap
  • sap van 2 suurlemoene

Smelt die botter saam met die knoffel in ’n kastrol. Voeg suurlemoensap by en sit voor saam met artisjokke.