FOTO Donna Lewis

FOTO Donna Lewis

6 uur tuis, eet half 7

Murgpampoentjie-en-ricotta-pasta

(4 – 6 porsies)

25 minute

• 45 ml olyfolie
• 1 ui, grofgekap
• 2 knoffelhuisies, gekap
• 400 g murgpampoentjies
• sout en varsgemaalde swartpeper
• 300 g ricotta-kaas, gekrummel
• 400 g spaghetti
• hand vol basiliekruid
• 30 g parmesaan-kaas, gerasper

Verhit olyfolie in middelslagpan. Voeg uie en knoffel by en braai vinnig vir 3 minute of tot begin verbruin. Gebruik ’n rasper se growwe kant en rasper murgpampoentjies. Voeg by uie-mengsel en roerbraai vir 3 – 5 minute tot sag maar steeds ferm. Verwyder van hitte en geur goed met sout en peper. Voeg ricotta by en meng goed. Kook pasta volgens aanwysings op pak en dreineer. Roer warm pasta by ricotta mengsel en skep in opdienbak. Sprinkel basiliekruid en parmesaan oor. Geur goed met sout en peper. Sit voor.