Foto deur Donna Lewis
SARIE KOS DES 13/JAN 14

Foto deur Donna Lewis SARIE KOS DES 13/JAN 14

Gebak

Botterskorsie-en-kekerertjie-koekies

Sorg altyd dat daar iets is vir jou vegetariese gaste, maar vleiseters sal dit net so geniet. Genoeg vir 6

• 1 x 600 g-sak botterskorsie, gaargestoom
• 2 wiele fetakaas
• 1 x 400 g-blik kekerertjies
• 15 ml rissievlokkies
• 15 ml vinkelsaad
• 2 knoffelhuisies, fyngekap
• 20 ml fyn komyn
• hand vol koljander, fyngekap
• sap en skil van 1 suurlemoen
• sout en varsgemaalde peper
• 210 g (375 ml) koekmeel, plus ekstra vir uitrol
• kanola-olie vir vlakbraai
• slaaiblare van jou keuse
• 250 ml jogurt vir voorsit

Plaas botterskorsie, feta en kekerertjies in voedselverwerker. Puree by hoë spoed tot growwe mengsel. Voeg rissie, vinkel, knoffel, komyn, koljander, en sap en skil van suurlemoen by. Geur met sout en peper. Meng deur. Gooi koekmeel by en meng – die mengsel sal hanteerbaar wees, maar baie sag. Verhit olie in braaipan tot warm. Doop jou hande in koekmeel en vorm ronde koekies van die mengsel – besluit self hoe groot. Braai koekies 8 – 10 minute per kant in warm olie tot goudbruin en gaar. Dreineer op handdoekpapier. Sit voor met slaaiblare en jogurt.