FOTO Donna Lewis

Kos

Chorizomossels

Knus om die tafel

Chorizowors is vol geur en gee die mossels ’n lekker smaak, dus kry ons chorizomossels.

genoeg vir 6

• 45 ml olyfolie
• 1 ui, fyngekap
• 2 knoffelhuisies, fyngekap
• 325 g chorizowors, in ringe gesny
• 30 ml gerookte paprika
• ’n hand vol vars koljanderblare
• 1 kg swart mossels, skoongemaak
• 250 ml witwyn
• sout en varsgemaalde swartpeper

Verhit ketelbraaier tot warm of maak hele gereg gaar op stoof. Verhit olyfolie in diep pan oor matige hitte tot warm. Voeg ui, knoffel en chorizo by. Roerbraai 5 – 8 minute of tot ui begin verbruin. Roer paprika en koljander by. Verwyder van hitte en pak mossels op uiemengsel.

Gooi wyn oor. Geur goed met sout en peper. Maak pan toe en plaas in warm ketelbraaier of op lae hitte op stoof en laat mossels 10 – 12 minute stoom in wynsous of tot dit oopgaan en gaar is. Sit voor.

Laai jou inkopielys af as ’n JPEG.

Chorizomossels

Chorizomossels
FOTO Donna Lewis