Foto deur Donna Lewis SARIE KOS AUGUSTUS/SEPTEMBER 2014

Diabeties

Mossel-en-garnaal-bouillabaisse

Die seekosgereg word sommer in die hawe gemaak met die vangs van die dag. Die saffraan en witwyn maak die tamatiebasis van hierdie resep ekstra lekker.

Genoeg vir 4
• 1 knippie saffraan
• 30 ml kookwater
• 45 ml kanola-olie
• 1 ui, fyngekap
• 2 knoffelhuisies, fyngekap
• 10 ml vinkelsaad
• 250 ml witwyn
• 1 x 410 g-blik kersietamaties
• 500 ml visaftreksel
• sout en varsgemaalde swartpeper
• 32 swart mossels in die skulp
• 35 steurgarnale, doppe verwyder en skoongemaak
• hand vol pietersielie, fyngekap

Week saffraan 10 minute in kookwater. Verhit olie tot warm in groot braaipan. Voeg ui, knoffel en vinkel by. Roerbraai 5 – 8 minute of tot ui begin verbruin. Gooi wyn by en laat wegkook, sowat 5 minute. Voeg tamaties, aftreksel en geweekte saffraan by. Verlaag hitte en laat prut tot vloeistof met helfte verminder het, sowat 8 – 10 minute. Geur goed met sout en peper. Gooi mossels en garnale by en meng deur. Plaas deksel op pot, verhoog hitte van plaat en kook 5 – 8 minute op hoë hitte of tot mosseldoppe oopgaan. Roer pietersielie deur en sit voor.

Ontleding per porsie – kilojoules 1 273; proteïen 27,9 g; koolhidrate 5,3 g; vet 15 g