FOTO Donna Lewis

FOTO Donna Lewis

Diabeties

Sardientjiefrittata

genoeg vir 4 – 6

•  45 ml olyfolie
•  8 eiers
•  250 ml roomkaas
•  5 ml bakpoeier
•  sout en varsgemaalde swartpeper
•  6 murgpampoentjies, in dun skywe gesny
•  250 g sampioene, gesny
•  250 g blokkiespek
•  1 x 120 g-blik sardientjies in olyfolie, grate verwyder,
•  gedreineer en fyn gevlok

Verhit oond tot 180 oC. Spuit losboom-quiche-pan van 35 x 20 cm met kleefwerende kossproei. Verhit olyfolie in groot braaipan tot warm. Klits eiers, roomkaas en bakpoeier saam – die roomkaas gaan nie heeltemal inmeng nie, maar dis reg so, dit smelt weg wanneer die eier gaar word. Geur goed met sout en swartpeper.

Gooi mengsel in pan en maak ’n sagte roer-eier wat nog half rou is. Skep roer-eier in losboompan en smeer gelyk. Pak murgpampoentjies, sampioene, spek en sardientjies bo-op roer-eier. Plaas in oond en bak 15 minute of tot heeltemal gaar. Laat effens afkoel en verwyder pan se ring. Sit frittata voor met slaai van jou keuse.