Foto's deur Micky Hoyle

Resepte

Seekos-jambalaia

6 – 8 porsies

  • 45 ml olyfolie
  • 1 ui, fyngekap
  • 2 knoffelhuisies, fyngedruk
  • 1 rooi soetrissie, in blokkies gesny
  • 1 selderystingel, gesny
  • 500 ml wit rys
  • 750 ml hoenderaftreksel
  • 500 ml witwyn
  • 2 ryp tamaties, in blokkies gesny
  • 100 ml tamatie-puree
  • hand vol vars pietersielie, fyngekap
  • 5 ml saffraan, geweek in ‘n klein bietjie water
  • 1 ml rooipeper
  • 4 chorizo-worse, gesny
  • 500 ml witwyn
  • 500 g bevrore mossels
  • 400 g bevrore steurgarnale
  • sout en varsgemaalde swartpeper na smaak

Jy benodig ‘n lekker groot pan met ‘n deksel. Verhit olyfolie in die pan. Braai die ui tot sag en deurskynend. Dit moenie bruin braai nie. Voeg knoffel, soetrissie en seldery by. Braai tot sag.
Voeg rys by en braai nog 1 minuut. Voeg hoenderaftreksel, wyn, tamaties, tamatiepuree, pietersielie en speserye by. Sit deksel op en kook vir 20 minute. Die vloeistof moet byna geabsorbeer wees. Voeg nog ‘n bietjie wyn by indien dit te droog is. Wanneer die rys byna reg is, voeg chorizoworse by en laat kook vir 1 minuut. Voeg mossels en steurgarnale net voor
opskeptyd by en laat kook vir 4 minute. Geur met sout en varsgemaalde swartpeper. Sit dadelik voor.

Om te weet: Gapermossels is baby clams en kammossels is scallops. In SA kry ons net bevrore kammossels.