Foto deur Donna Lewis
SARIE KOS OKT/NOV 2013

Foto deur Donna Lewis SARIE KOS OKT/NOV 2013

Diabeties

Steurgarnaal-en-boneslaai

Die slaai kry ekstra woema met drie soorte boontjies en sneeu-ertjies.
Genoeg vir 12

• 45 ml kanola-olie
• 4 knoffelhuisies, fyngekap
• hand vol pietersielie, fyngekap
• 20 steurgarnale, skoongemaak
• 1 x 350 g-sakkie fyn groenbone
• 1 x 400 g-blik borlotti-bone, gedreineer
• 1 x 400 g-blik kekerertjies, gedreineer
• 1 x 110 g sakkie sneeu-ertjies
• sout en varsgemaalde swartpeper

Slaaisous
• 2 rooi brandrissies, fyngekap
• sap en skil van 1 suurlemoen
• 30 ml korrelmosterd
• 60 ml balsemasyn
• 120 ml olyfolie

Meng olie, knoffel en pietersielie. Marineer garnale 20 minute in mengsel. Bring intussen pot met water tot kookpunt en dompel groenbone vir 1 minuut in water. Dreineer en plaas in slaaibak. Voeg ander bone en ertjies by. Verhit kole tot medium-warm en braai gemarineerde garnale tot goudbruin en gaar, 8 – 10 minute. Plaas in slaaibak. Meng al die bestanddele vir die sous en gooi oor slaai. Meng deur en sit voor.