Foto deur Micky Hoyle SARIE KOS DES 13/JAN 14

Resepte

Steurgarnaal-en-pynappel-roerbraai

Die steurgarnale smaak buitengewoon lekker saam met die pynappel.
Genoeg vir 4

• 700 g steurgarnale, skoongemaak
• sout en varsgemaalde swartpeper
• 5 ml mielieblom
• 30 ml sonneblomolie
• 10 ml fyngekapte groen brandrissie
• 1 knoffelhuisie, fyngekap
• 6 sprietuie, in lang repe gesny
• 140 g mangetout-ertjies
• 30 ml sojasous
• 1 x 440 g-blik pynappelstukke, gedreineer, maar behou die sap
• 50 g geroosterde kasjoeneute

Stap 1. Plaas steurgarnale in ’n mengbak. Geur met sout en peper. Voeg mielieblom by en meng goed deur. Laat staan sowat 10 minute.

 

Micky Hoyle

Stap 1

 

 

 

 

 

 

 

 

Stap 2. Verhit olie in ’n groot braaipan. Braai steurgarnale sowat 5 minute. Sodra dit pienk is, weet jy dis gaar. Skep uit en hou eenkant.

 

Mickey Hoyle

Stap 2

 

 

 

 

 

 

 

 

 

Stap 3. Roerbraai brandrissie, knoffel, sprietuie, mangetout en sojasous sowat 2 minute in dieselfde pan. Voeg 15 ml pynappelsap by en braai nog 1 minuut.

 

Mickey Hoyle

Stap 3

 

 

 

 

 

 

 

 

 

Stap 4. Voeg pynappel, neute en steurgarnale by. Roerbraai so 1 minuut en sit warm voor.

 

Mickey Hoyle

Stap 4