Foto's deur Lee Malan

Resepte

Steurgarnaal-rolletjies op stokkies

Die perfekte happie op ’n stokkie. Eet dit
sommer met die hand.
24 rolletjies

• 24 steurgarnale, skoongemaak en
doppe verwyder
• 24 hout-kebabstokkies
• 45 ml gerookte paprika
• 12 velle Chinese-rolletjie-deeg
(spring roll) (kyk by supermark se
bevrore-deeg-afdeling)
• 1 eier, liggies geklits

TAMATIESOUS
• 45 ml olyfolie
• 1 ui, fyngekap
• 2 knoffelhuisies, fyngekap
• 45 ml tamatiepasta
• 500 g kersietamaties, gehalveer
• 3 takkies tiemie
• 60 ml bruinsuiker
• 100 ml rooiwyn
• sout en varsgemaalde swartpeper
• sonneblomolie vir diepbraai
Ryg garnale op houtstokkies, stertkant eerste. Sprinkel paprika oor. Sny
deegvierkante in helfte. Sit elke garnaal so 1 cm van die onderpunt van ’n
deeghelfte sodat die stokkie na links uitsteek. Vou lang kant van deeg van
regs oor garnaal (sowat 1 cm) en rol van onder af stewig op.Verf punt met
geklitste eier en druk stewig vas.
Tamatiesous Verhit olyfolie in middelslag- pot tot warm. Voeg ui en knoffelby. Roerbraai vir 5 – 8 minute of tot begin verbruin. Voeg tamatiepasta by en braai nog 2 minute.Voeg tamaties, tiemie, suiker en rooiwyn by. Verlaag hitte en laat prut vir 20 – 25 minute of
tot daar ’n lekker dik, geurige sous is. Geur goed met sout en peper.Verhit
sonneblomolie in groot pot tot warm. Plaas kebabs in olie en diepbraai vir
5 – 6 minute of tot goudbruin en bros. Dreineer op kombuispapier. Sit warm
voor met tamatiesous.