Heuning-appeltert met volkoring-kors
Foto’s: Donna Lewis
(6 porsies)
kors
- 280 g (500 ml) bruinbroodmeel
- 155 g (170 ml) botter
- 30 ml strooisuiker
- 30 ml water
vulsel
- 60 ml botter
- 45 ml bruinsuiker
- 60 ml heuning
- 12 appels, ontklok, geskil en in kwarte gesny
- 2 heel kaneelstokkies
- 3 heel ster-anyse
Verhit oond tot 180 ˚C. Plaas meel, botter en strooisuiker in voedselverwerker. Verwerk tot die tekstuur van growwe broodkrummels. Voeg water by en verwerk tot alles in een bal saamkom. Draai toe in kleefplastiek en laat rus in yskas vir 30 minute. Vir die vulsel: Plaas botter, bruinsuiker en heuning saam in 'n pot. Bring tot kookpunt. Voeg appel, kaneel en steranys by. Sit deksel op pot en verlaag hitte. Laat stadig prut vir 8 - 10 minute of tot appels sag maar nie pap is nie. Skep appels in 'n oondvaste 30 cm-bak. Rol deeg op 'n meelbestrooide oppervlak tot sowat 3 mm dik uit. Plaas boop appels en sny rand netjies af. Druk deeg op kant vas met vingerpunte. Plaas in warm oond en bak vir 20 - 25 minute of tot goudbruin en gaar. Sit warm voor met laevetroom.
Verwante artikels
-
Amandel-appeltert
SARIE Julie 2011
Die Franse praat van frangipane – dis basies gelyke dele botter en amandels wat tot ’n heerlike gladde pasta gemeng word.
-
Appeltert
SARIE - November 2005
’n Lekker tert vir nagereg is altyd ’n wenner
-
Appeltert
SARIE - Januarie 2009
Hierdie tert mag vir jou lyk of jy ’n marathon moet hardloop! Dit is glad nie so nie, jy gaan net die oonddeur ’n paar keer oopmaak om bestanddele by te voeg. Jy kan die tert warm of teen kamertemperatuur bedien
-
Appeltert
SARIE Junie 2011
-
Franse appeltert
SARIE Julie 2010
Daar is nou genoeg appels in die winkels vir die lekkerny. Ek wys jou stap vir stap hoe jy dit maak - van die deeg tot die vulsel.
-
Lekkerste appeltert
SARIE KOS - Somer 2007
Warm of koud, 'n lekker appeltert bly lekker. Ek verkies dit warm, met geklopte room of roomys.
-
Maklike appeltertjies
SARIE KOS - Somer 2007
Dikwels soek 'n mens 'n resep wat nie baie moeite is nie, maar almal beïndruk. Wel, hier is so 'n resep. Die tertjies lyk amper soos Franse appeltertjies, maar is veel makliker
-
My lekkerste appeltert
SARIE - Maart 2007
Ek dink nie jy sal weer ’n ander appeltert maak as jy eers dié een probeer het nie. Jy kan natuurlik ook ’n grote maak (dan het jy ’n losboom-quiche-pan met ’n deursnee van 23 cm nodig).
-
Volkoring-appelkoek
SARIE KOS Augustus / September 2011
As jy lus is vir koek wat meer vesel bevat, beveel ek hierdie resep aan.
Kommentaar