Witsjokolade-tert met neutekors en suurlemoenbotter-en-basilietruffels
Foto’s: Micky Hoyle
(10-12 porsies)
kors
- 100 g geroosterde, gesoute makadamia-neute (kan ook kasjoeneute of haselneute bysit)
- 175 g (190 ml) sagte botter
- 40 g (80 ml) versiersuiker
- 210 g (375 ml) koekmeel
Verhit oond tot 200 °C. Kap neute in voedselverwerker grof. Voeg res van bestanddele by en meng tot 'n deeg vorm. Voer 'n gesmeerde tertbord of losboom- quiche-pan (28 cm-deursnee) met die deeg uit. Maak toe met kleefplastiek en plaas vir 'n halfuur in die vrieskas. Haal uit en bak vir 10 minute.
vulsel
- 300 g witsjokolade
- 165 g (180 ml) botter
- 4 eiers
- 60 ml suiker
- 250 ml suurlemoensmeer (lemon curd)
- 125 g mascarpone-kaas
Verhit oond tot 200 °C. Smelt sjokolade en botter saam in mikrogolf op laag. Roer elke minuut om te keer dat dit brand. Voeg eiers en suiker by en roer met 'n ballonklitser tot gemeng. Bak in warm oond vir 8 - 10 minute. Haal uit en laat afkoel. Meng suurlemoensmeer met mascarpone en smeer oor die afgekoelde tert. Opsioneel Versier met basiliekruid-truffels (resep volg)
en kruisementblare. Eetbare vars blommetjies lyk ook mooi op die tert. Sny in skywe en sit voor as nagereg saam met soetwyn of koffie en tee.
basiliekruid-truffels
(30 truffels)
- 250 g Belgiese donkersjokolade
- 75 ml room
- 6 - 8 vars basiliekruidblare
- 30 ml bruinsuiker
- 15 ml kakao
- 100 ml kakao om truffels in te rol
Smelt sjokolade by 'n lae stelling in mikrogolf. Roer elke minuut om te keer dat dit brand. Verhit room, basilieblare, bruinsuiker en kakao oor lae hitte. Roer aanhoudend dat suiker kan smelt. Wanneer dit begin kook, kook net 3 - 4 minute. Verwyder van hitte en haal basilieblare uit. Voeg roommengsel by sjokolade en roer met 'n ballonklitser tot gemeng. Laat mengsel in yskas staan totdat dit net begin styf word - so 20 - 30 minute. Haal uit, skep teelepels vol van sjokolademengsel en rol balletjies. Rol die balletjies in die kakao om heeltemal te bedek. Sit bo-op die tert of sit net so saam met koffie voor. Die basilie is 'n wonderlike maat vir donkersjokolade.
Verwante artikels
-
Churros met sjokoladesous
SARIE - Maart 2011
Die Spaanse manier van doughnuts maak, dis vinnig en maklik!
-
Klapper-en-sjokoladekoek
SARIE - Desember 2010 | Kommentaar: 1
Ek het die koek leer bak toe ek nog geswot het. Ek gee dit hier my eie kinkel. Dis baie maklik om te maak.
-
Peer-en-sjokolade-tert
SARIE KOS Lente 2009
Sjokolade en pere werk so goed saam soos sout en peper.
-
Sjokoladesous-poeding
SARIE Julie 2011
Die poeding maak sy eie sous as jy dit bak. Dis altyd ’n wenner.
-
Vryvorm-sjokolade-tert
SARIE - April 2010
Die tert verg geen uitvoer van panne met deeg nie. Dis eenvoudig om te maak.Die tert stol eers heeltemal wanneer dit afkoel. Moet dit dus nie te lank bak nie, anders gaan die vet in die sjokolade uitborrel.
-
Warm sjokolade-tert
SARIE - Junie 2006
Dit is ’n maklike en vinnige nagereg vir daardie onverwagse gaste. As jy altyd blaardeeg in jou vrieskas en ’n bottel Nutella in die kas het, is jy reg om dié nagereg te maak.
-
Wit-en-donkersjokolade-tertjies
SARIE - Maart 2007
Vir spesiale geleenthede is dié tertjies ’n moet op jou spyskaart
-
Witsjokolade-yskastert
SARIE - Desember 2010
-
Witsjokoladekoek met kersies
SARIE - Maart 2011
Jy kan die koek in 'n hartvormige pan bak.
Kommentaar