Vissop

Deur Barbara Joubert, SARIE KOS April/Mei 2011

Vissop Foto’s: Micky Hoyle

Dié resep is lekker vinnig.

(6 porsies)

  • 1 lemoen
  • 950 g stokvis-filette, ontdooi en in groot blokke gesny
  • 3 blikke (400 g elk) gekapte tamaties
  • 175 ml olyfolie
  • 2 uie, fyngekap
  • 15 ml droë vinkeltakkies
  • 5 ml borrie
  • 2 lourierblare
  • 2 hande vol pietersielie, fyngekap
  • 3 knoffelhuisies, fyngekap
  • sout en varsgemaalde swartpeper na smaak

Verhit oond tot 180 °C. Skil lemoen met 'n groenteskiller in lang repe (eet sommer die lemoen, want jy gaan dit nie gebruik nie). Plaas die repe skil op bakplaat en sit in oond. Laat skil vir sowat 10 minute uitdroog. Haal uit. Meng skil met al die ander bestanddele in 'n kastrol. Geur met sout en peper. Sit deksel op en plaas op stoof. Verhit tot kookpunt en laat kook vir net 10 minute. Moenie roer terwyl dit kook nie, anders breek die visstukke. Sit voor met knoffelmayonnaise. Meng 3 fyngekapte knoffelhuisies by 250 ml romerige mayonnaise. Skep 'n lepel bo-op elke porsie.

  • Assistent Melissa Pecoraro

Verwante artikels

Kommentaar