Tamatie-en-soetrissiesop met kaaspoffers
Foto’s: Micky Hoyle
Die sop is heerlik warm of by kamertemperatuur.
(6 - 8 porsies)
sop
- 3 rooi soetrissies (gewas)
- 8 - 10 groot tamaties (1 kg) of 4 x 410 g-blikke heel tamaties
- 50 ml olyfolie
- 2 middelslag-uie, geskil en fyngesny
- 2 knoffelhuisies, gekneus
- 200 ml rooiwyn
- 1 liter hoenderaftreksel (60 ml hoenderaftrekselpoeier opgelos in 1 liter kookwater)
- 5 ml suiker (opsioneel)
- sout en varsgemaalde swartpeper na smaak
Sny soetrissies middeldeur, verwyder pitte en plaas met oop kante op foelie. Plaas onder roosterelement van oond en rooster tot swart. Trek velle af en hou eenkant. Laat staan die tamaties vir 'n minuut in kookwater, trek dan skille af. Indien jy geblikte tamaties gebruik, sny jy net blikke oop. Verhit die olie in 'n swaarboomkastrol, braai die uie en knoffel tot glasig, omtrent 1 - 2 minute. Voeg soetrissie, tamatie, rooiwyn, hoenderaftreksel, suiker en geurmiddels by. Laat prut vir 20 - 30 minute. Verpulp in 'n voedselverwerker en gooi terug in kastrol. Verhit as jy die sop warm voorsit, of bêre in yskas.
kaaspoffers
(25 - 30 klein poffers)
- 250 g gladde maaskaas
- 100 g gruyère-kaas, gerasper (of enige harde kaas met 'n sterk smaak soos parmesaan of beleë cheddarkaas)
- hand vol vars basiliekruidblare, gesnipper (sowat 80 ml)
- halwe hand vol vars origanumblare, gesnipper (sowat 40 ml)
- skil van ½ suurlemoen
- 125 ml broodkrummels
- 60 ml SF's Egyptian Dukkha gemeng met 125 ml broodkrummels
Meng maaskaas, gruyèrekaas, basilieblare, origanum, suurlemoenskil en broodkrummels. Skep teelepels vol uit en vorm balletjies. Rol die kaasballetjies in die Dukkha-mengsel. Sit kaasballetjies in 'n houer en verkoel in die yskas vir 1 - 2 uur of in die vrieskas vir 'n halfuur. Sit bakkies sop voor met 3 - 4 kaaspoffers bo-op elke bakkie. Snipper bietjie vars origanum of basiliekruid bo-op. Die kaaspoffers kan ook as voorgereg op blare met 'n lekker slaaisous voorgesit word.
Verwante artikels
-
Britse ham-en-ertjiesop
SARIE Julie 2010
Dié sop proe net so eg soos die ertjiesop wat ek in Brittanje geëet het.
-
Duitse aartappel-en-bratwurst-sop
SARIE Julie 2010
Daar's 'n wêreld se smake in 'n bakkie sop! Komreis saam en proe weer 'n paar gunstelinge - Herman
-
Franse bruin-uie-sop
SARIE Julie 2010
Seker een van die goedkoopste soppe, maar ook een van die lekkerste!
-
Gesonder hoender-pastasop
SARIE KOS Winter 2010
-
Italiaanse minestrone-sop
SARIE Julie 2010
Propvol met alles wat heilsaam is. Dis vullend en baie ekonomies.
-
Jong-ertjie-sop met appelkoos-bolaag
SARIE KOS Winter 2010
Tradisioneel vorm sop 'n integrerende deel van ons kos-erfenis. Sien Peter se blog opwww.sarie.com oor die ontwikkeling van sop die afgelope 100 jaar. Dié sop is byderwets, nuut.
-
Peperonata - gemarineerde soetrissies
SARIE KOS Augustus / September 2011
Daar is verskillende weergawes van dié gereg. Hierdie resep is makliker, want jy hoef nie die soetrissies se vel te verwyder nie.
-
Skelvis-en-lensiesop
SARIE KOS Winter 2010
Dis die Skotte se invloed in die vorige eeu.
-
Spaanse vissop
SARIE Julie 2010
Geurige roomsop met al die vreugdes van die see vasgevang in een bakkie.
-
Tamatie-en-basiliesop
SARIE Junie 2011
Die rooster van die tamaties is die enigste deel wat “werk” is. Die res gooi jy net in die pot.
Kommentaar