_MG_9733
Kosstories

Die maklikste soetpatats nóg

Jy kan maar weet jou kuiertafel is nie volledig as daar nie soetpatats op is nie. Dis een van die goedkoopste en maklikste bykosse wat jy kan berei. Dit smaak ewe lekker warm of koud. Hier is my maklikste een nóg met net 5 bestanddele!

Jy het nodig

• 5 patats in ringe gesny
• 200 g botter, blokkies gesny
• 150 ml heuning
• 5 ml fyn neut (nutmeg)
• 3 kaneelstokke
• sout en vasrgemaalde swartpeper

_MG_9522

Stap 1

Verhit oond tot 180 °C. Plaas patatskywe in oondroosterpan.

_MG_9531

Stap 2

Pak blokkies botter oral op patats – dit gaan na baie lyk, maar dis waar die geur en smaak skuil!

_MG_9535

Stap 3

Gooi heuning oor patats – maak seker alles is oral bedek met die heuning.

_MG_9545

Stap 4

Sprinkel neut oor en breek kaneel in growwe stukke. Geur alles goed met sout en peper. Maak pan toe en bak vir 30-35 minute of tot patats sag en goudbruin is.

Verwyder uit oond, garneer met vars basiliekruid, sit voor en geniet!

_MG_9733

 

Soetpatats soos Leipoldt dit sou maak

Oktober is die mooiste maand, volgens Leipoldt. En Barbara gaan kuier vir die Oktober/November-uitgawe van SARIE KOS by Kokkedoor-wenner Mynhardt Joubert waar hy ‘n lente-ete kook met inspirasie van die befaamde C. Louis Leipoldt.

Ons wys ook vir jou stap vir stap hoe om dié kos-ikoon se legendariese soetpatas te maak.

SARIE KOS Okt Nov 2016