FOTO Donna Lewis

Kosstories

Uitdrukkaart-resepte: Portugese flan uit SARIE diabetes

In Frankryk heet dit crème caramel en in Spanje crema catalana. Die Portugese noem dit flan. Basies is al drie dieselfde.

genoeg vir 6

75 g (95 ml) strooisuiker
80 ml water
375 ml laevet-melk
4 eiergele
2 eiers
5 ml vanieljegeursel
45 g (60 ml) xilitol-versoeter

Verhit oond tot 160 °C. Bring strooisuiker en water tot kookpunt in ’n middelslag-pot. Laat kook 8 – 10 minute vinnig tot goue karamel vorm.

Spuit ’n patroonringpan met volume van 2 liter met kleefwerende kossproei. Gooi warm karamel onderin ringpan en laat staan tot gestol. Bring melk in ’n skoon pot tot kookpunt. Klits eiergele, eiers, vanieljegeursel en xilitol saam tot lig en romerig in ’n mengbak. Voeg warm melk by terwyl jy roer. Gooi hele mengsel deur ’n sif. Plaas ringpan in oondbak en vul bak halfpad met warm water. Gooi eiermengsel in pan.

Bedek met foelie en bak 50 – 60 minute of tot gestol soos jellie. Haal uit oond en sit in yskas om heeltemal af te koel. Keer versigtig uit en sit voor.

Ontleding per porsie

kilojoules 583,8;
koolhidrate 13,2 g;
proteïen 4,2 g;
vet 6,6 g

Druk dié mooi resepte-kaarte uit as geskenk vir die suikertand in jou lewe.

Diabetes flan resep illies

Laai dit ook HIER af.

Kry nóg resepte spesiaal vir diabete of enigeen wat minder suiker wil inneem in SARIE diabetes – nou te koop!

SARIE-Diabetes_large