Kosstories

Uit Tjailaresepte: Veronica se pilcharetti

(Gebakte spaghetti met sardyne)

Lewer 4 porsies 

* 300 g spaghetti
 *20 ml (4 t) olyfolie
* 2 groot uie, gekap
* 1 groen soetrissie, ontpit en gekap
* 2 ryp tamaties, gekap
* 15 ml (1 e) gedroogde origanum
*  x 425 g-blik sardyne (pilchards) met brandrissies of in tamatiesous
* ’n knippie suiker
* sout en varsgemaalde swartpeper na smaak
* 100 g (1 k) gerasperde cheddarkaas

1. Voorverhit die oond tot 180 °C en smeer ’n oondbak.

2. Kook die spaghetti in kokende soutwater tot gaar. Dreineer en meng die helfte van die olyfolie deur die warm pasta.

3. Verhit intussen die orige olie oor matige hitte in ’n kastrol. Braai uie en soetrissie tot sag en voeg tamaties en origanum by.

4. Prut vir 5 minute en roer die sardyne by. Geur na smaak met suiker, sout en peper.

5. Meng die sardyne-sous met die spaghetti en skep in die oondbak. Strooi die kaas oor en bak 20 – 30 minute of tot goudbruin.