SA melktertFOTO: Donna Lewis

SA melktertFOTO: Donna Lewis

Kosstories

Vier Melktertdag met dié heerlike SARIE-resepte

Maandag 27 Februarie is Nasionale Melktertdag. Ja, net soos braaivleis het dié stukkie volksbesit nou haar eie dag. Ons vier die dag met die beste melktertresepte uit ons argief.

Die tydskrif Weg het dit hul doelwit gemaak om dié nederige tertjie die erkenning te gee wat dit verdien: die status van volksbesit. Hulle skryf:

“Op 27 Februarie bring ons hulde aan dié happie vol heimwee en enigiemand kan in die feesdag deel. Melktert bak is nie duur nie en ook nie moeilik nie en ons wil graag die ganse land uitdaag om op 27 Februarie melktert te bak, te koop, uit te deel en te geniet. Gaan verras jou dorp se ouetehuis met ’n paar terte in die hand, nooi die bure oor vir tee, deel handtertjies uit by ’n verkeerslig, pak ’n snytjie in die kinders se kosblikke vir eerste pouse … Kortom: Deel die vreugde van Nasionale Melktertdag met jou medemens! Loer ook aanlyn op Weg se Werf, Weg se Facebook-blad en ook op Nasionale Melktertdag s’n hoe ander Suid-Afrikaners aan melktert smul. En laai jou foto’s en video’s van die feesvieringe op!”

Die storie van melktert

Melktert is dalk nie so eie aan SA soos wat jy dink nie! Lees die geskiedenis van dié lekker gebak HIER.

FOTO: Donna Lewis

SA se melktert FOTO: Donna Lewis

Melkterte van reg oor die wêreld

 Skakels na dié resepte

• SA melktert

• Franse melktert

• Australiese vla-skyf

• Jodetert

Wen-melktert

Ons het in 2009 SA se lekkerste melktert gesoek en dit gekry in tannie Helie Williams van Bellville se melktert.

Tannie Helie se wen-melktert

Tannie Helie se wen-melktert

TANT HELIE SE MOETS & MOENIES
 

• Hou alles koud terwyl jy die deeg maak, en werk vinnig en liggies om die deeg koel te hou. As daar ’n dakwaaier is, skakel aan! (Lugversorging is nog beter.)

• Jy moet glo Darling-botter gebruik en geen ander nie. Die rede is glo dat dit die minimum water bevat sodat die deeg nie sag en klewerig is nie.

• Gebruik net die regte hoeveelheid yswater, anders sal die deeg klewerig wees en die eindresultaat taai en harderig.

• Gebruik ’n baie skerp mes om die deeg te sny, anders word die deeg gekneus en sal dit nie ’n klomp lagies vorm nie.

Kry dié wen-resep HIER.

Natasha Sutherland se melktert

FOTO: Leana Clunies-Ross

FOTO: Leana Clunies-Ross

Natasha het in 2009 dié melktert op kykNET se kookprogram Roer! gemaak.

Kors

• 2 koppies meelblom
• knippie sout
• 2 teelepels bakpoeier
• ½ koppie botter
• 1 eier

 

 

 

 

 

Metode

1. Voorverhit oond tot 200 °C. Room alles saam. Druk die krummelrige beslag in ’n gesmeerde oondvaste bak. Bak vir ongeveer 15 minute tot goudbruin.
2. Kry die vulsel gereed terwyl die kors in die oond bak.

Vulsel

• 4½ koppies melk
• ¾ koppie suiker
• 3 eetlepels botter (gebruik botter, nie margarien nie, vir ’n beter smaak)
• 2½ opgehoopte eetlepels koekmeel
• 2½ opgehoopte eetlepels mielieblom
• 3 eiers, geklits
• fyn kaneel, om oor te strooi

Metode

1. Verhit die melk in ’n kastrol en voeg die suiker en botter by.
2. Voeg die droë bestanddele by die geklitste eier in ’n afsonderlike bak – klits weer.
3. Voeg ’n bietjie van die warm melkmengsel (ongeveer ’n koppie) by dié mengsel en klits saam.
4. Voeg nou hierdie mengsel geleidelik by die melk in die kastrol op die stoof – roer aanhoudend met ’n houtlepel tot die mengsel verdik. Wees versigtig, want klonte vorm maklik en die melk brand maklik aan – ROER!
5. Sodra die mengsel kook en verdik, is dit gereed om in die tertdop te gooi.
6. Wanneer dit afgekoel het, sprinkel kaneel oor.

Klein melktertjies

Klein melktertjiesDié tradisionele gebak kan ook as individuele tertjies gebak word. Hierdie resep lewer 18 klein melktertjies.

Kry die resep HIER.

 

 

 

 

Melktert met ’n twist

Links: Pannekoek-pakkies met melktertvulsel en lemoensous | Regs: Melktert-fudge

Vir meer inligting oor Nasionale Melktertdag, besoek hul Facebook-blad.