Roer! - Diaan Lawrenson en Jody Abrahams se Kaapse masala-vis

SARIE - Julie 2009

Galery

Dié heerlike visgereg word voorgesit saam met patats, kapokaartappels en tamatiesmoor. Smaaklike ete!

Tammy, Jody & Diaan

Bestanddele

  • 2 stukkies vars en ferm wit vis
  • eetlepel koekmeel
  • eetlepel mieliemeel
  • eetlepel masala
  • sout en peper
  • suurlemoen, vars
  • 1 groot patat
  • stukkie vars gemmer
  • ½ koppie warm melk
  • teelepel botter
  • suring (sorrel)

Kaap Massalla vis

Metode
1. Druk die suurlemoensap oor die vis uit, gooi sout en peper oor en plaas eenkant.
2. Meng die koekmeel, masala en mieliemeel in ‘n bord.
3. Bedek die vis met meelmengsel en plaas eenkant vir ‘n paar minute.
4. Braai in vlak olie in 'n warm pan – 3 minute aan ‘n kant. Moenie die vis té gaar maak nie.
5. Was ‘n hand vol surings en kap dit fyn vir garnering.

Rooiwyn-balsem-glanssous

  • 1 glas rooiwyn
  • teelepel balsemasyn
  • 2 naeltjies
  • eetlepel roosstroop

Metode

Kook al die bestanddele (roosstroop uitgesluit) saam oor 'n lae hitte totdat dit ‘n dik stroop vorm, voeg dan die roosstroop by en plaas eenkant sodat dit kan afkoel.

Fyngemaakte patat

Metode

1. Kook blokkies patat in 'n klein bietjie water, druk ‘n klein hoeveelheid suurlemoen oor totdat dit sag is.
2. Dreineer, maak fyn en voeg warm melk, botter, sout en peper by.
3. Wanneer klaar, rasper ‘n teelepel vars gemmer in die fyngemaakte patat en meng.

Tamatie-smoor

Bestanddele

  • halwe ui
  • 1 tamatie, in skywe gesny
  • 1 knoffelhuisie
  • ½ groen rissie
  • eetlepel suiker
  • eetlepel rooiwyn
  • ½ teelepel kaneelpoeier

Metode

Gooi al die bestanddele in ‘n pan, braai totdat dit sag is en ‘n puree vorm. Sit voor saam met vis.

Kyk die Roer!-episode hier

Verwante artikels

Galery