skm1005.steak.chips
Resepte

Die perfekte tjip

’n Lekker tjip saam met jou steak? Dís wat ons naweek noem! Maak só die perfekte tjips in vyf stappe.

1. Skil jou aartappels en sit dit altyd in water. Dit voorkom dat dit bruin raak. Gebruik so twee groot aartappels per persoon.

2. Sny die aartappels in skywe van 1 cm dik en sny dan die skywe in tjips van 1 cm dik.

3. Gooi die tjips in ’n groot kastrol met kokende water. Laat kook vir 8 minute en gooi die water af. Laat die tjips afkoel.

4. Verhit kookolie in ’n groot kastrol tot baie warm. Om te toets of die olie reg is, gooi 1 tjip in. As die olie begin borrel, is dit reg. Gooi ’n hand vol tjips op ’n slag in en braai vir 8-10 minute tot goudbruin. As jy te veel op ’n slag ingooi, sal die tjips nie lekker bros braai nie.

5. Skep die gaar tjips met ’n gaatjieslepel op kombuispapier uit om te dreineer. Gooi sout en varsgemaalde peper oor die warm tjips en sit dadelik voor.

Jy sal ook geniet

Só maak jy steak perfek gaar

Patat-tjips met koljander-mayonnaise

Vis-en-tjips-dag: Herman vs. Barbara se resep