sk1108diabete_3_
Resepte

Geurige maalvleis

(5 PORSIES)

  • 20 ml kanola- of olyfolie
  • 4 groot uie, gekap
  • 2 knoffelhuisies, fyngekap
  • 2,5 kg baie maer maalvleis
  • 2 blikkies lensies met sous
  • 4 wortels, gerasper
  • 6 selderystingels, gekap
  • 4 x 410 g-blikkies heel tamaties, gekap
  • 80 ml tamatiepuree
  • sout en varsgemaalde swartpeper na smaak
  • 5 ml droë origanum
  • 5 ml suiker
  • hand vol gekapte pietersielie

Verhit die olie in ’n groot swaarboomkastrol en soteer uie tot sag en glansend. Voeg knoffel by en soteer
nog 1 minuut. Roer maalvleis by met ’n groot vurk om los te maak en roerbraai tot bruin. Voeg lensies, wortels en seldery by en roer deur. Voeg tamaties en vloeistof in blikkies en tamatiepuree by en geur na smaak met sout en swartpeper asook die oreganum en suiker. Verhit tot kookpunt en prut so 2 uur. Roer elke 10 minute. Verwyder van hitte en roer gekapte pietersielie in. Laat afkoel tot kamertemperatuur,
verdeel in 5 porsies en vries.