sk0212appels2
Resepte

Haring-en-appelslaai

(4 porsies)

  • 6 gepekelde harings
  • 2 lang stokke seldery, in skywe gesny
  • 1 groot sprietui, in skywe gesny
  • 2 Star King-appels, in blokkies gesny met skil en al
  • 125 ml crème fraîche
  • 30 ml Bulgaarse jogurt
  • 15 ml melk
  • sout en varsgemaalde swartpeper
  • 40 g roket

Sny harings in groot blokke. Sit in groot slaaibak saam met seldery, sprietui en appels. Meng crème fraîche, jogurt en melk. Geur met sout en peper. Gooi oor slaai en meng versigtig deur. Sprinkel vars roket oor.

Wenk
Nog ’n baie lekker kombinasie is haring en gekookte beet. Jy kan die resep hierby volg en blokkies gaar beet byvoeg. Onthou net dat die sous pienk gaan word.