Resepte

Kerriemaalvleis-vetkoek

(vulsel vir sowat 8 vetkoeke)

Jy benodig

  • 30 ml sonneblomolie 
  • 500 g maalvleis 
  • 2 uie, fyngekap 
  • 2 knoffelhuisies, fyngekap 
  • 1 blik gekapte tamaties 
  • 20 – 30 ml kerriepoeier 
  • 15 ml borrie 
  • sout en varsgemaalde swartpeper na smaak 
  • sowat 250 ml water

Verhit olie in ’n kastrol. Voeg maalvleis by en braai vir so 6 minute. Die vleisstukkies moet net loskom van mekaar. Voeg gekapte uie en knoffel by en braai verder vir so 10 minute. Voeg tamaties, kerriepoeier en borrie by. Geur met sout en swartpeper. Voeg water by en bedek. Laat vir minstens 2 uur prut. As vleis lyk of dit wil droog kook, kan jy nog water byvoeg. Maak die vetkoeke en sny oop. Skep van die kerriemaalvleis in en sit dadelik voor met lekker blatjang daarby.