Resepte

Monique Rautenbach se WEN-aartappelslaai

Monique se bestanddele het werklik die deurslag gegee. Ek is mal oor die kombinasie van die skerp mayonnaise met die crème fraîche,” sê Barbara. Dié aartappelslaai het twee variasies. Die een is byna ‘n ligte ete op sy eie en die ander een ‘n bygereg.

Monique gebruik crème fraîche in die sous, want dit neutraliseer die mayonnaise ‘n bietjie, maar gee dit ‘n lekker smaak en maak die sous lig en romerig. Die geheim is ‘n pikante (tangy) mayonnaise, anders smaak die sous heel anders. Monique sê sy hou baie van die Mediterreense invloed in kos en het die oorspronklike resep, wat al lank in haar familie is, deur die jare effens aangepas met die byvoeging van kappertjiesaad, roket, kwartel-eiers en granaatpitte. En dan het sy natuurlik ‘n deel van die mayonnaise vervang met crème fraîche.

(4 – 6 Porsies)

  • 1 kg Mediterreense babaaartappels, gewas en in soutwater gekook tot sag, maar nog ferm, gedreineer
  • klein bietjie olyfolie, om die aartappels aan te klam vir die sous

vir die sous

  • 250 ml pikante (tangy) mayonnaise
  • 125 ml crème fraîche
  • 4 – 6 groterige soetsuur agurkies, fyngekap
  • 15 ml kappertjiesaad, afgespoel en fyngekap
  • 1 rooi-ui, geskil en fyngekap
  • 2 knoffelhuisies, fyngedruk en gekap
  • ‘n klein hand vol gemengde kruie, gekap (ek het vars dille en vars Italiaanse pietersielie gebruik)
  • skeutjie vars suurlemoensap (ongeveer die sap van ‘n kwart suurlemoen)
  • varsgemaalde seesout en swartpeper, na smaak
  • vars heel baba-wilderoket, gewas

Skil aartappels versigtig af en sny in die helfte of in kwarte. Besprinkel liggies met ‘n bietjie olyfolie om dit aan te klam en hou eenkant.

vir die sous

Meng mayonnaise, crème fraîche, agurkies, kappertjiesaad, ui, knoffel, kruie en suurlemoensap in ‘n bak goed saaam. Geur met sout en peper. Meng sous liggies deur aartappels. Oppas vir te veel meng, want die aartappels moenie breek nie.

Wenke: Hou die slaai by kamertemperatuur tot etenstyd. Indien jy dit moet verkoel, haal dit betyds uit die yskas sodat dit kamertemperatuur bereik voordat jy dit op tafel sit. Van die geure word effens verbloem as dit koud is. Maak genoeg sous, want dit moenie ‘n droë slaai wees nie!

vir voorsit: Sit die slaai voor met roketblare, granaatpitte en kappertjiesaad en rangskik die eiers bo-op.

Variasie as hoofgereg

(Genoeg vir 3 – 4)

Gebruik groot Mediterreense aartappels en kook in soutwater tot net gaar. Verwyder van die hitte, hou die skil aan en sny in dik skywe. Laat effens afkoel. Verhit ‘n bietjie olie in ‘n pan, braai die skywe tot goudbruin en sprinkel swartpeper en sout oor. Bedruip die aartappels met sous (dieselfde as hierbo).

vir voorsit:

Strooi die volgende bestanddele oor die aartappelslaai en jy het ‘n ligte hoofgereg:

  • 4 gepiekelde kwartel-eiers, in die helfte gesny, of 3 kleinerige eiers, mediumgekook (die geel moet in die middel nog sag wees), afgedop en in kwarte gesny
  • boontjierank-krulle
  • pienk granaatpitte
  • 4 – 5 heel kappertjiesade, met stingeltjies en al
  • brosgebraaide prosciutto (opsioneel)

wenke van Monique ‘Maak die slaai ‘n rukkie vooraf (so twee tot drie uur voor die ete) sodat die geure kan ontwikkel. En dit smaak op sy lekkerste as jy dit teen kamertemperatuur voorsit met ‘n “lang” sous, soos my pa altyd sê!’

  • kovjvvv

    bAxBTh ojyyqxxfrtcc, [url=http://djzrylcoozjx.com/]djzrylcoozjx[/url], [link=http://lhwenbygnixe.com/]lhwenbygnixe[/link], http://owfftjasfwon.com/