sr1104kos_8_
Resepte

Stap vir stap: Bak jou eie Paasbolletjies

SARIE se kosredakteur, Herman Lensing, wys jou stap vir stap hoe om jou eie Paasbolletjies te maak … heerlik!

12–14 bolletjies

• 250 ml warm melk
• 90 g (100 ml) botter, gesmelt
• 1 eier
• 65 g (80 ml) suiker
• 10 g sout
• 10 g kitsgis
• 15 ml fyn kaneel
• 15 ml gemengde speserye
• 500 g (890 ml) koekmeel
• 140 g (250 ml) rosyne

Kruise

• 60 ml meel
• 15 ml olie
• 30 ml water

Glaseersel

Kook saam vir 5 minute:

• 100 ml water
• 50 ml suiker

Stap 1

Verhit oond tot 180 ˚C. Meng melk, botter, eier, suiker en sout saam en voeg gis en speserye by. Voeg by meel en meng tot ’n stywe, kniebare deeg vorm. Knie vir 5–8 minute of tot deeg gladde voorkoms het.

Stap 2

Laat deeg op ’n warm plek rys tot dubbel die volume, sowat 1 uur. Voeg rosyne by en knie af tot rosyne ingemeng is. Laat weer rys tot dubbel die volume, sowat 30–45 minute.

Stap 3

Verdeel in gholfbalgrootte bolletjies (80 g) en plaas stewig teen mekaar in ’n broodpan. Laat rys tot dubbel die volume, weer sowat 30–45 minute.

Stap 4

Gebruik spuitsak en spuit kruise oor uitgepofte bolletjies. Bak 30–45 minute of tot goudbruin. Verf glaseersel oor en laat afkoel.

Jy sal ook geniet

Die beste knoffelbrood nóg!

VIDEO: Bier-en-biltongbrood

Botter-platbrood, oftewel roti’s!

  • Natasha

    wat is die bestandele ?

  • Liza

    Sien ook net die "Hoe maak mens" gedeelte van hierdie resep. Kan ons asb. ook "Wat is nodig" gedeelte kry. Baie dankie