Foto deur  Donna Lewis

SARIE KOS JUN/JUL 2012

Foto deur Donna Lewis SARIE KOS JUN/JUL 2012

Gebak

Lamsvleispastei

Maak vulsel met kort lamskenkels wat jy in die oond bak soos ’n bredie. Haal bene uit voor jy die vulsel in die kors skep.

Lamsvleisvulsel

(8 porsies)

  • 60 ml olyfolie
  • 3 medium-groot uie
  • 4 knoffelhuisies, fyngekap
  • 45 ml botter
  • 2 wortels, geskil en gekap
  • 2 selderystingels, fyngekap
  • 250 g bruin sampioene, grofgekap
  • 1,2 kg kort skenkels of 800 g lamsblokkies
  • hand vol roosmaryn, fyngekap
  • sout en varsgemaalde swartpeper
  • 1 x 440 ml Guinness-bier
  • 30 ml meel
  • 375 ml lamsvleisaftreksel

Verhit oond tot 220 °C. Verhit groot, oondvaste pot oor medium-hitte tot warm. Gooi olyfolie in pot. Voeg uie by en braai stadig vir sowat 5 – 8 minute of tot deursigtig. Voeg knoffel, botter, wortels en seldery by. Braai nog 1 minuut. Voeg sampioene by en braai 1 minuut. Laastens, voeg vleis by en braai vir 5 – 8 minute of tot bruin. Voeg roosmaryn, sout en peper, bier, meel en aftreksel by. Maak pot toe met deksel en sit in warm oond vir sowat 90 minute. Verwyder uit oond en roer deur. Plaas terug in oond vir nog 60 minute. Haal uit en laat effens afkoel. Verwyder bene as jy kort skenkels gebruik. Plaas pot op medium-hitte bo-op stoof en bring tot kookpunt. Laat helfte van sous wegkook tot vulsel dik en romerig is. Maak kors, voer pasteipan uit en skep vulsel in soos langsaan verduidelik in stap vir stap.

Nog vulsels
Braai eers 1 fyngekapte ui en 2 gekapte knoffelhuisies in 30 ml botter tot begin verbruin.
Voeg nou by
Vir seekosvulsel
Voeg 250 g sampioene by en braai 5 minute. voeg 24 garnale by en braai nog 2 minute. Gooi 250 ml room en hand vol fyn pietersielie by. Verlaag hitte en laat prut 10 – 12 minute of tot sous romerig is. Geur met sout en peper.
Vir hoendervulsel
Voeg 3 preie by, in dun ringe gesny. Braai nog 5 minute. voeg 4 hoenderborsies by, in blokkies gesny. Braai nog 5 minute tot bruin. Gooi hand vol tiemie en 250 ml room by. verlaag hitte en prut tot sous romerig is. Geur goed.
Vir vegetariese vulsel
Voeg 4 gekapte preie by en braai nog 5 minute. Gooi 4 gaar aartappels by, in blokkies gesny, en braai 3 minute. Meng 2 ml komyn by. Gooi 125 ml room by. Verlaag hitte en prut stadig tot sous romerig is. Geur goed.

Maak pastei so gaar
Sny patrone uit oorblywende deeg en versier rou kors. Ek het met ABC-koekiedrukkers die woord pastei gespel. Verf met 1 eier wat liggies geklits is. maak gaatjie in middel van kors. Bak 30 – 35 minute of tot kors goudbruin en bros is. Sit warm voor met bruinsous.

 

STAP VIR STAP kors

Die korsresep het ek by Jaco Deist van Pretoria gekry. Sy hoenderpastei was 3de in ons gewilde resepkompetisie. Dis regtig baie lekker, die perfekte kors sonder baie moeite.

  • 1,25 kg (2 230 ml) koekmeel
  • 20 ml sout
  • 500 g botter, in blokkies gesny
  • 375 ml room

Stap 1.Sit meel en sout in groot bak en vryf botter met vingerpunte in meel in.Dit moet die tekstuur van growwe broodkrummels hê.

 

Stap 1

 

 

 

 

 

 

 

 

 

 Stap 2.Voeg room by. Die room moet uit die yskas kom, want dit moet so koud moontlik wees. Dis die geheim van suksesvolle broskors-pasteideeg.

 

Stap 2

 

 

 

 

 

 

 

 

 

Stap 3.Gebruik ’n spatula en meng die room versigtig by die bestanddele in. Vorm deeg met jou hande in ’n bal en laat rus in yskas vir 30 minute of tot deeg koud en ferm is.

 

 

Stap 3

 

 

 

 

 

 

 

 

 

Stap 4. Sprinkel werkoppervlak met dun lagie meel. Rol 2/3 van deeg uit tot sowat 3 mm dik. Gebruik rolstok en rol deeg op die stok. Rol versigtig uit op 25 cm x 20 cm-pasteibak wat goed gespuit is met kleefwerende kossproei.

 

 

Stap 4

 

 

 

 

 

 

 

 

 

Stap 5. Druk deeg stewig vas in bak met jou vingerpunte, maar moet dit nie te veel hanteer nie. Druk die deeg wat oorhang ruweg af al langs die skerp rand van die bak en sny dit dan af met ’n skerp mes.

 

 

Stap 5

 

 

 

 

 

 

 

 

 

Stap  6. Laat rus 25 – 30 minute in yskas. Skep vulsel in die kors. Rol oorblywende 1/3 deeg uit tot sowat 3 mm dik. Rol weer op rolstok en rol af bo-oor vulsel. Sny deeg wat oorhang weer af met skerp mes. Gebruik die plat kant van vurk se tande en druk die deegrand stewig vas. Verhit oond tot 180 °C.

 

 

Stap 6