Resepte

#PizzaBobby: Tamatiesmoor-en-boerewors-pizza

Bobby van Jaarsveld is sjarmant, trots Afrikaans, ’n man met ’n groot hart en wie se stem jou knieë altyd lam kan maak. Ou Bobby, hierdie pizza is net vir jou! 

Screen Shot 2017-04-04 at 10.13.23 AM

(4 klein pizzas)

• 125 ml louwarm water
• 10 g kitsgis
• 30 ml olyfolie
• 10 ml sout
• 160 g (250 ml) mieliemeel
• 2 uie, gekap
• 3 knoffelhuisies, fyngekap
• 1 brandrissie, fyngekap
• 7 tamaties, skil verwyder en grofgekap
• 20 ml heuning
• 4 tiemietakkies
• sout en varsgemaalde swartpeper
• 400 g boerewors, gaargebraai, in stukkies gesny
• 150 g vars mozzarellakaas (buffalo mozzarella)
• 200 g kersietamaties of tamaties van jou keuse

Verhit oond tot 220˚C. Gooi water, gis, 20 ml olyfolie en sout in groot mengbak. Meng tot alles opgelos is. Voeg mieliemeel geleidelik by en meng tot ‘n ferm deeg.Knie op meelbestrooide oppervlak tot glad en ferm – so 10 – 12 minute. Laat rys op ‘n warm plek tot dubbel die volume. Verhit res van olyfolie in braaipan en braai uie, knoffel en rissie tot goudbruin. Voeg tamaties, heuning en tiemie by.Verlaag hitte en prut vir 30 – 35 minute. Geur goed met sout en swartpeper.Vorm deeg in 4 balle en rol in sirkels van 20 cm uit. Plaas op ‘n bakplaat uitgevoer met bakpapier. Verdeel smoor tussen pizzas, gevolg deur wors,mozzarella en heel kersietamaties. Bak vir 10 -15 minute of totdat kante begin verbruin. Sit warm voor.

Soek jy nog ’n afrigter se pizza? Hier’s die resepte!

Screen Shot 2017-04-04 at 10.20.57 AM

#PizzaKahn

#PizzaKaren