Resepte

Sjokolade-muffins

(6 groot of 12 klein muffins)

  • 500 ml koekmeel
  • 160 ml kakao
  • 125 ml suiker
  • 10 ml bakpoeier
  • knippie sout
  • 250 ml sjokoladestukkies
  • 330 ml melk
  • 80 ml sonneblomolie
  • 2 groot eiers
  • 5 ml vanieljegeursel

Voorverhit jou oond tot 200 °C. Voer jou muffin-pan uit met papierhouers. Spuit die papierhouers met Spray&Cook. Sif die meel, kakao, bakpoeier en sout saam in ’n groot mengbak. Voeg die suiker by en meng goed deur. Vou die helfte van die sjokolade-stukkies in die meelmengsel. Klits die melk, olie, eiers en vanieljegeursel saam. Vou dit in die meelmengsel. Moenie die mengsel te veel roer nie. Verdeel die deeg in jou muffinpan en strooi die res van die sjokolade-stukkies bo-op. Bak vir 20-24 minute tot gaar. Toets met ’n tandestokkie. Haal uit die oond en sit warm voor.