Resepte

Spaanse hoendergereg

(4 – 6 porsies)

  • 1 gaar hoender
  • 5 ml paprika
  • 10 ml olyfolie
  • 2 rooi uie, in skywe gesny
  • 2 chorizo-worse in dik skywe gesny
  • 2 rooi soetrissies in repe gesny
  • 350 g heel groenbone
  • 2 blikke heel tamaties
  • 200 g ontpitte olywe
  • 4 knoffelhuisies
  • 250 ml rooiwyn
  • sout en vars gemaalde swartpeper na smaak

Meng die paprika en olyfolie in ’n bakkie. Sny die hoender in 6 porsies. Verf die porsies met die paprikamengsel. Pak nou al die bestanddele in ’n groot oondbak en gooi die rooiwyn oor. Maak toe met tinfoelie en plaas die bak in ’n warm oond teen 200 °C vir ongeveer 1 uur.


Sit voor saam met

Brood van jou keuse, maar ek stel vars Franse brood voor.